اهلا بكل رجال القانون ومرحبا بهم فى رحاب منتدى كلية الحقوق بقنا جامعة جنوب الوادى
اهلا وسهلا بكم فى منتدى كلية حقوق جامعة جنوب الوادى الرجاء التسجيل فى المنتدى وتشرفنا بوجودك معانا............

اهلا بكل رجال القانون ومرحبا بهم فى رحاب منتدى كلية الحقوق بقنا جامعة جنوب الوادى

كورسات-سكاشن-محاضرات-امتحانات سابقة-نتائج-استشارات قانونية وقضائية بالتفاعل مع الدكاتره الافاضل و السادة المحامين والسادة رجال الهيئات القضائية - شات طلابى-اخبار-
 
الرئيسيةالبوابةالتسجيلدخول

شاطر | 
 

 رد علي شبهات ... حول الريس اللي فات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير العام
المدير العام للمنتدى
المدير العام للمنتدى
avatar

عدد المساهمات : 332
تاريخ التسجيل : 22/07/2010
الموقع : http://noname.7olm.org

مُساهمةموضوع: رد علي شبهات ... حول الريس اللي فات   الخميس 03 فبراير 2011, 3:33 pm

رد علي شبهات ... حول الريس اللي فات


يعني مش قادرين تستنوا ست شهور كمان ,, جت علي 6 شهور ؟؟



الست شهور دول مش عشان مبارك

هو نفسه يمكن يكون مش عايز يقعد

دول عشان كسر شوكة الشعب المصري اللي أثبت إنه ممكن ينهش اي حد يدوس علي شعرة من مصر

الست شهور دول مهمين جدًا لأمريكا

لو مبارك فضل الست شهور دول هيظبط إن اللي يمسك مصر بعديه يكون تبع أمريكا



إنما لو حكومة وطنية انتقالية هي اللي مسكت من دلوقتي لأنها هتكون نزيهة هتخضع تحت إشراف القضاء و المحكمة الدستورية و هتحل مجلس الشعب الفاسد

و هتبقي نزيهة جدًا فهيخافوا يا تري اللي هيمسك هيبقي ليه الولاء لأمريكا و لا حر

و ده اللي مخليهم سندينه

و هتشوفوا لو كمل ,, أزاي هيحاول يكسر الشعب تاني زي ما عيشه ساكت طول عمره

يشوف الظلم و يسكت ,, اما كان الشرطة تعمل اللي تعمله

و رجال المرور اللي بياخدوا إيتاوة من السواقين و أحنا برده ساكتين



تعرفوا ليه سندينه برده

خايفين العرب يصحوا اما تونس وقعت النظام الفاسد بتاعها و وراها مصر هيخافوا العرب يفوقوا و يوقعوا أي نظام فاسد

و ساعتها بقي مين هيناصر أمريكا و إسرائيل بعد سقوط أنصارهم

نظرية الدومينو في الحكام العرب الفاسدين



يا شباب مبارك كبير في السن أحترامًا سيبوه ست شهور كفاية إنه خدم مصر 30 سنة ؟؟



مبارك لم يخدم إلا نفسه

قانون الطوارئ كان في خدمة مين ؟

أمن الدولة هل كان أمن للشعب و لا أمن للنظام ؟

هل ضحايا العبارة و القطارات اخدوا حقهم

هل دايرة الفساد و الرشوة و التحكم فينا كانت بتخدمنا ؟

هل خالد سعيد كان تاجر مخدرات

هل السيد بلال هو اللي عمل أحداث اسكندرية الظالمة

أحمد عز و اللي أكله من دم الغلابا كان عشان مصر

و اللي اخدوا مجلس الشعب

و القوانين اللي كانت بتتفصل عشانهم

ما هم رجال الأعمال و هم الوزراء و هم هم مجلس الشعب

يعني هم القوة التشريعية و التنفيذية و هم الوسطة



مبارك لو خدم مصر سنة واحدة من 30 سنة



كنا هنلاقي تقدم في الصحة أو التعليم أو الإقتصاد أو الزراعة أو الصناعة أو البحث العلمي

كنا حتي هنبقي مميزين في حاجة

الناس فرحانة بكوبري اتبني و لا ميدان اتنظف لأنهم مابيشوفوش حاجة عدلة من مبارك

و أهو اللي يجي منه أحسن منه

عايزين تقارنوا شوفوا اليابان و ألمانيا و ماليزيا و البرازيل

كانوا معانا في نفس المحن و نطوا بسبب إن تعب الشعب كان بيروح للشعب

إنما مع الخصخصة اللي بتحصل و الفساد

تعب الشعب بيروح للناس اللي فوق



يا عم حرام عليكوا الخطاب كان إيجابي جدًا ؟؟



الخطاب كان إيجابي تحت ضغط شديد جدًا من الشعب بعد أما بعتلهم الأمن و مقدرش يسيطر عليهم

الخطاب ده عشان يهدي الناس و يرجعهم من ميدان التحرير

الخطاب ده فاكر إنه بيمن علي الشعب

مع إن ده أقل حقوقنا

كمان الخطاب معملش حاجة

هل ألغي قانون الطوارئ

هل شال سطوة الحزب الوطني من علي أنفاس البلد

هل حل مجلس الشعب

هل قال الأنتخابات هتبقي تحت إشراف القضاة

و الله و بحلف إني سمعت كلمة ""أنا لا أنتوي الترشح لفترة جديدة"" قبل الفترة ده

و قال إن الحزب بتاعه متخلاش عنه و رشحوه

و كأن قفانا بيستحمل إلي ما لا نهاية

سؤال صغير هو الحداية بترمي كتاكيت ؟؟



بغض النظر عن أي شئ ابعدوا عن الفتنة الناس هتموت بعض ؟؟



الموضوع يتلخص في :

1) الأمن المركزي

2)خروج المساجين

و أنصار مبارك المسلحين(3

هم سبب القتلي و الجرحي



إنما من غيرهم المظاهرة سلمية و شوف الصور و الفيديوهات عالنت يوم التلات كانت عاملة أزاي

الجيش بيفتش عشان لو حد ماسك حتي عصاية يقوله لأ



كل ده خطة من مبارك للتمسك بالسلطة مش عشان ياكل في البلد عشان اللي قلناه في السؤال الأول

خرج المسجونين و المسجلين خطر من السجون عشان نقعد في بيتنا و نحمي شوارعنا

و بعتهم ميدان التحرير و زي مانتوا شايفين سنج و مطاوي و مولوتوف و خيول و أحصنة يقولك أهم بيضربوا في بعض



شوفوا عالنت أزاي الشباب كان مظاهرتهم سلمية تماما و حضاريين و بيكنسوا الميدان و بيصلوا في وقت الصلاة و الجيش بيفتشنا و أحنا داخلين و يشوف الوظيفة في البطاقة

لكن أما أنصار مبارك دخلوا الجيش بقي حيادي تماما حتي الدبابة بتولع و هم ساكتين

الأوامر بتقول كده



يعني كان سلاحهم كلمة و أنصار مبارك مطوة و كمان شوفوا اما ضربوا في الناس وقت صلاة المغرب



طيب سؤال منطقي في ناس مؤيدة تروح تجادل ناس معارضة كانوا يقفوا في مكان تاني

في متظاهر شريف ماشي بسنجة و مولوتوف

و الله من مصادر موثوقة بالحزب الوطني مش من التيليفزيون مع إنها أتقالت الناس ده مأجورة



بس الخطة بتقول إن أهل الناس ده هتقولهم ارجعوا بقي حرام عليكوا الخطاب جميل

و أصحابهم هيقولوا ياللا نسقط الفتنة

و بهذا يخمد نار غضب الشعب

فكر عسكري و ليس دبلوماسي



هل الفتنة إني أما أقول للطاغية لأ يبعاتلي بلطاجية يموتوني

يبقي ده فتنة و بلاش أقول لأ ؟؟

يا شباب أنا بقول هنروح الميدان عزل مش خايفين من بلطاجيته

مش بقول نروح مسلحين نموت في بعض

هنروح عزل



يا عم هيتصارعوا علي السلطة ؟؟



يعني أسيب واحد فاسد يهون عليه دمنا و يهون عليه ترويع أمننا

و يبعتلنا مساجين و مسجلين خطر لحد بيتنا عشان يتشبث بالسلطة و اقول اللي هيجي هيكون مين

الشعب دلوقتي واعي جدا و اللي هتعمله الحكومة الوطنية هيكون افضل ألف مرة منه

و لو حادت عن الحق و ده صعب الشعب مش هيسكت

و اما الدستور يتعدل و يمسك واحد إن شاء الله هيبقي عارف إن فترة الرئاسة هتبقي أربع سنين

و ممكن يتحاكم قدام القضاة في اي وقت

زي أي شعب كريم سلطته في إيديه و حرية هي رقم واحد في بلده



ليه لازم نكمل ؟؟



لازم نكمل عشان حسني أثبت غدره من بعد الخطاب بأقل من 24 ساعة

شوفوا قتل كام واحد في ميدان التحرير حفاظًا علي نفسه

و كأننا غنم عنده ,, و الله الواحد بيحافظ علي غنمه

الشعب ده شوكته مش هتتكسر يا مبارك

صحيح علمت الناس الخوف و السكوت لكن خلاص الشباب أحيوا الشعب تاني

خطابك المعسول اللي قلته و أنت مكسور مش هينسيني دم اخواني اللي ماتوا تحت رجل النظام الفاسد

و الله شفت عربية أمن ( أمن دولة مش أمن شعب مصر ) بتدوس علي ناس بقصدها في المظاهرات

مش بتاعت التحرير اللي داست عالناس بضهرها لأ في القصر العيني و معايا الفيديو و داس عليهم بوشوا و بقصده

واحد عمل كده عشان يسكت الناس الغضبانة و كنا مظاهرة سلمية اصلًا

يبقي لو طال ياكلنا هياكلنا

مصر دولة غنية جدًا ,, بس الفلوس بتروح لرجال الأعمال اللي هم الوزراء اللي هم مجلس الشعب اللي هم الحزب الوطني اللي هم العصابة اللي خصخصت أملاك الشعب ليهم



و اكاد أقسم قسم يمكن يضاحكم

لو كمل الست شهور دول

مفيش أي انخابات هتبقي نزيهة و و الله مش بعيد ابنه يمسك

و يقولك هكذا طلب الجميع

و الأمن يظبط اي حد يتكلم

مش بقولكم قال لا أنتوي الترشح قبل كده



كمان أنتوا بتدولوا الخبرة اللي مش عنده

الخبرة في التعامل مع غضب الشعب منه

و ده عمره ما حصل

نزل الأمن المركزي و الجيش و المساجين

كل كروته اتحرقت

و انتوا بتدولوا الخبرة في قمع الشعب الغاضب

و هي فرق تسد و أعمل فتنة



يا شباب فاضل خطوة واحدة بس

حد يستسلم عند رقبة الزجاجة و يقع في قعرها تاني



النوايا السيئة باينة جدا



باينة من ساعة ما قفل اي وسيلة أتصال التيليفون و النت

من ساعة ما أمر الأمن ( أمن الدولة مش الشعب ) إنهم يقتلوا الناس

من ساعة ما خرج المساجين عشان نروح نحمي بيوتنا

من ساعة ما بعت البلطاجية التحرير

و الله الأمر واضح و الشعب بقي واعي جدا يا مبارك مش زي زمان خالص فوووق بقي



في مسجون هرب من السجن يمسك رشاش و يمشي علي شارع الهرم يضرب بلا هدف

هو في شر مطلق ؟؟ شر من أجل الشر ؟؟ ده كان ترهيب للشعب



في مؤيدين يمسكوا أسلحة و الجيش يقعد محايد ؟؟ معلش ده الأوامر



في خطاب مفهوش تعزية للضحايا و اعتذار عن 30 سنة من فساد و ظلم و سكوت



الشباب طيب أوي و عايز مصلحة مصر أما قال لا للفتنة بس ده مش فتنة ده بلطاجية بتضرب في ناس بتقول لأ

أرجوكم قولوا لأ ماتخفوش .. مش عشان نفسك

أحنا بناكل و نشرب و نلبس و نخرج و ده من فضل ربنا علينا



قول لأ عشان ضحايا الفساد و الخصخصة و الرشوة و التعذيب و الإهانة و مص دم الغلابا و التأمين الصحي و المعاشات و التموين قول لأ عشان خالد سعيد و ألوف غيره محدش عرف عنهم حاجة

قول لأ عشان مصر



هنعمل إيه ؟؟



مظاهرة سلمية برده شباب كريم عزل برده و مش هنخاف من البلطجية و المشجونين اللي بيبعتهم

و هنقف في مظاهرة سلمية ,, في ميدان التحرير الصبح يوم الجمعة قبل الصلاة

و لو قفلوا النت و التيليفونات و لو قفلوا ميدان التحرير برده هنتقابل

و هنقول لأ ,, بالله عليكم



و أرجو من أهالينا



مايخفوش علينا ,, و يدعولنا و مايثقوش في مبارك

اللي بعت بلطاجية يضربوا أولادهم

و مساجين يروعوا أمنهم

و لن تسترد تلك الثقة المفقودة بأي خطابات

و اللي عنده ضحايا في المظاهرات او اي ضحايا من النظام بطمنهم إن فاضل خطوات قليلة جدا و حقهم يرد بإذن الله

و يحتسبوا عن ربنا



و أرجو من الجيش



عدم الحيادية التامة السلبية

يا ريت يحمي المواطنين العزل من المسلحين



و أرجو من الله



اللهم أرنا الحق حقًا و ارزقنا اتباعه و ارنا الباطل باطلًا و ارزقنا اجتنابه

اللهم اجعل هذا بلدًا أمنا و ارزق أهله من الطيبات



في استخفاف شديد جدًا بشعب مصر



إن الشباب بعضهم مدرب من الموساد عن كيف تكون منقلبًا علي رئيسك

و ناس تانية بتقول إن كان في عناصر من برة مصر و عناصر إرهابية في الميدان من إيران

كلام لا ثقل له ,, مجرد فرقعات حول الموضوع للتشتيت



معلش النوت طويلة بس بالله عليكم اقروها كويس




_________________

الرجوع الى أعلى الصفحة اذهب الى الأسفل
http://law-qena.yoo7.com
yaso

avatar

عدد المساهمات : 68
تاريخ التسجيل : 27/07/2010
العمر : 27

مُساهمةموضوع: رد: رد علي شبهات ... حول الريس اللي فات   الخميس 03 فبراير 2011, 5:56 pm

ولو اني متحفظة علي معظم الكلام اللي فات
بص يا ريس ربنا سبحانه وتالي مبيسبش حق حد
وان كان الراجل ظلم حد فربنا هو اللي حينتقم
زي ما صدر القرار النهارده بمنع عز وقرانة والمغربي والعادلي
فأكيد ده هيكون عبرة لمن تسول له نفسه
أما عن الذي حدث في 30 سنة فدا كان من بعض الفاسدين من النظام السابق
وربنا انتقم منهم
الرجوع الى أعلى الصفحة اذهب الى الأسفل
asdtree
نائب المدير العام لشئون المنتدى
نائب المدير العام لشئون المنتدى
avatar

عدد المساهمات : 568
تاريخ التسجيل : 07/08/2010
العمر : 27
الموقع : فى قلب حبيبى

مُساهمةموضوع: رد: رد علي شبهات ... حول الريس اللي فات   الأحد 06 فبراير 2011, 10:26 am

الللى فيه الخير يقدمه ربنا سواء مع الريس او مع غيره

_________________
================================================








إزاى توصل بيا وتوصل بيك
تيجى
تمشى ومسلمش عليك
واجى
امشى تسيبنى بسرعة ومتقوليش خليكازاىبنبص لبعضينا باستغراب وبنتقابل زىالاغراب
طب ده احنا
حتى محصلناش اتنين اصحاب




[/center]
الرجوع الى أعلى الصفحة اذهب الى الأسفل
http://law-qena.yoo7.com/
 
رد علي شبهات ... حول الريس اللي فات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكل رجال القانون ومرحبا بهم فى رحاب منتدى كلية الحقوق بقنا جامعة جنوب الوادى  :: احدث الاخبار العامة-
انتقل الى: